რუსთავის მიმდებარედ არსებული იაღლუჯის მთის ფერდობებზე ფორმირებული ღვარცოფული ნაკადებისაგან, ქალაქის ქუჩებისა და საცხოვრებელი მიკრორაიონების დაცვის მიზნით, რუსთავის ღვარცოფული ნაკადებისაგან დაცვის სამუშაოები მიმდინარეობს.
პროექტის განხორციელების შედეგად მოეწყობა სანიაღვრე არხი, რომელიც უზრუნველყოფს წვიმის შედეგად მოსული ნალექის გატარებას.
პროექტი 2019 წლის ზაფხულში დაიწყო და 2020 წლის შემოდგომაზე დასრულდება.
პროექტ „ახალი ტფილისის“ ისტორიული ძეგლების რეაბილიტაციის ფარგლებში რომის N4-ში სარეაბილიტაციო სამუშაოები დაიწყო.
პროექტის ფარგლებში შენობა კონსტრუქციულად გამაგრდება, ასევე, ფასადი და შიდა ეზო მოწესრიგდება.
სამუშაოები 2020 წლის დეკემბერში დასრულდება.
შიდასახელმწიფოებრივი მნიშვნელობის წიწამური-საგურამო-ცხვარიჭა
პროექტი 2 მონაკვეთად იყო დაყოფილი. ერთ მონაკვეთზე სამუშაოები დასრულებულია, ხოლო მეორე მონაკვეთზე უახლოეს დღეებში დასრულდება
სარეაბილიტაციო მონაკვეთი ძლიერ დაზიანებული იყო, ხოლო არსებული ასფალტ-ბეტონის საფარი ფრაგმენტულად შემორჩენილი, გზის დანარჩენი ნაწილი კი ხრეშოვანი
საავტომობილო გზაზე კომფორტული და უსაფრთხო გადაადგილებისთვის მოეწყო ასფალტ-ბეტონის საფარი, ხელოვნური ნაგებობები, ადგილობრივ გზებთან მიერთებები და საგზაო ნიშნები. ასევე ხორციელდება გზის შემოფარგვლა და ჰორიზონტალური მონიშვნის სამუშაოები
პროექტი სახელმწიფო ბიუჯეტიდან ფინანსდება და მისი ჯამური ღირებულება 7.3 მილიონი ლარია.
ოზურგეთის მუნიციპალიტეტის სოფლების – ვაკიჯვარის, ბახვისა და ცხემლისხიდის წყალმომარაგების სისტემის პროექტირება-მშენებლობა დაიწყო.
პროექტის ფარგლებში რეაბილიტაცია ჩაუტარდება წყლის სათავე ნაგებობას, შეიცვლება სათავიდან რეზერვუარამდე მიმავალი მილი და სრულად განახლდება შიდა ქსელი, რეაბილიტაცია ჩაუტარდება წყალშემკრებ ავზებს.
სამუშაოების დასრულების შემდეგ სამი სოფლის 7 000-მდე მაცხოვრებელს უწყვეტი, ხარისხიანი წყალმომარაგება ექნება.
იმერეთის რეგიონში, წყალტუბოს რაიონის სოფელ მაღლაკში სასათბურე კლასტერი იქმნება.
სასათბურე კლასტერის შექმნა მიზნად ისახავს სასათბურე სექტორის საექსპორტო პოტენციალის მაქსიმალური გამოყენების სტიმულირების გზით შემოსავლების ზრდას და ახალ ბაზრებზე წვდომის ხელშეწყობას.
სასათბურე მეურნეობაში წელიწადში, დაახლოებით, 1200 ტ მწვანილი მოჰყავთ, რომლის რეალიზაციაც ადგილობრივ და საერთაშორისო ბაზრებზე ხორციელდება. სასათბურე მეურნეობაში 150 ადამიანია დასაქმებული.
პროექტის ჯამურმა ღირებულებამ 3,000,000 ლარი შეადგინა.
სახელმწიფოს დახმარებით, „ერთიანი აგროპროექტის“ ფარგლებში, იმერეთის რეგიონში 2 ახალი სასათბურე შეიქმნა და 34 გაფართოვდა.
კასპის მუნიციპალიტეტის სოფელ ნიგოზას მიმდებარედ ქარის ახალი ელექტროსადგური აშენდება, რომელიც დამატებით, დაახლოებით, 200 მილიონ კილოვატსაათ ელექტროენერგიას გამოიმუშავებს.
ქარის ახალი ელექტროსადგურის მშენებლობა მნიშვნელოვანია, როგორც ადგილობრივ რესურსზე დამყარებული ელექტროენერგიის გასაზრდელად, ასევე მწვანე, დივერსიფიცირებული, განახლებადი ენერგოსექტორის ხელშეწყობისთვის.
ქუთაისში ელექტრომობილების ქარხნის მშენებლობა იწყება.
100 ჰექტარ ფართობზე განთავსდება როგორც ელექტრომობილების ქარხანა, ასევე, სხვა მაღალტექნოლოგიური პროდუქციის საწარმოები.
ინდუსტრიული კომპლექსი დასრულებულ სახეს სამ წელიწადში მიიღებს და რეგიონის უმნიშვნელოვანეს ეკონომიკურ ჰაბად გადაიქცევა.
გორში ახალი სამაცივრე მეურნეობა აშენდა.
სამაცივრე მეურნეობაში წელიწადში საშუალოდ 1500 ტონამდე ხილ-ბოსტნეულის შენახვაა შესაძლებელი.
სამაცივრე მეურნეობაში წელიწადში საშუალოდ 1500 ტონამდე ხილ-ბოსტნეულის შენახვაა შესაძლებელი.
მეურნეობაში მუდმივად დასაქმებულია 30 ადგილობრივი მოსახლე.
„ერთიანი აგროპროექტის“ ფარგლებში, შიდა ქართლის რეგიონში 26 ახალი საწარმო გაიხსნა. ქვეყნის მასშტაბით დაფინანსდა 212 ახალი და 900 არსებული საწარმო.
თიანეთი-ახმეტას 28 კმ-იანი გზის რეაბილიტაცია აქტიურად მიმდინარეობს.
თიანეთი-ახმეტას გზაზე დაგეგმილია არსებულ გრუნტის გზაზე სრული რეაბილიტაციის ჩატარება და ასფალტ-ბეტონის საფარიანი გზის მოწყობა.
პროექტის ფარგლებში აშენდება 2 ახალი და რეაბილიტირდება 1 არსებული ხიდი.
ამ დროისთვის, გზის საფუძვლის ქვედა ფენის დამუშავების და ასფალტ-ბეტონის საფარის მოწყობის სამუშაოები მიმდინარეობს.
პროექტის განხორციელების შემდეგ, თიანეთი და ახმეტა განახლებული და კომფორტული გზით დაუკავშირდება ერთმანეთს.
ზესტაფონის მუნიციპალიტეტში გაზიფიცირების სამუშაოები მიმდინარეობს.
პროექტის მიხედვით ოთხი სოფლის – ზედა და ქვედა კლდეეთის, ტაბაკინის და თვრინის გაზიფიცირება იგეგმება. გაზიფიცირების სამუშაოების დასრულების შემდეგ 900 აბონენტი მიიღებს ბუნებრივ აირს.
მიმდინარე სამუშაოები 2020 წლის მარტის თვეში დასრულდება.
