პრემიერ-მინისტრ ირაკლი ღარიბაშვილის გადაწყვეტილებით ამოქმედებული პროგრამის “განახლებული რეგიონების” პირველი ეტაპის ფარგლებში, 730-ზე მეტი შენობის სრული განახლება მოხდა. აღნიშნული პროგრამის ფარგლებში 40 ჰექტარი რეკრეაციული სივრცე უკვე მოეწყო.

პროგრამა 4 წლიანია და საქართველოს ყველა მუნიციპალიტეტის რეაბილიტაციასა და განახლებას მოიცავს.

ლენტეხი

ტყიბული

ლენტეხი

ცაგერი

ქობულეთი

იმერეთი

 რუსთავი

ვანი

მარტვილი

გურჯაანი

თელავი

ჭიათურა

საგარეჯო

ოზურგეთი

ლანჩხუთი

ამბროლაური

დიაბეტის მართვის სახელმწიფო პროგრამის ფარგლებში, შაქრიანი დიაბეტით დაავადებულ ბავშვებს, საჭირო სერვისებს სახელმწიფო უფინანსებს, რისთვისაც 30 მილიონი ლარია გამოყოფილი, რის ფარგლებშიც:

• შაქრიანი დიაბეტის მქონე ბავშვებისთვის ფინანსდება მედიკამენტები;
• უზრუნველყოფილნი არიან სისხლში გლუკოზის უწყვეტი მონიტორინგის სისტემებით და სენსორებით (CGM);
• ფინანსდება სპეციალიზებული ამბულატორიული და სტაციონარული მომსახურებები;
• საანალიზო-ტექნიკური საშუალებებით უზრუნველყოფა;
• ენდოკრინოლოგის კონსულტაცია/მეთვალყურეობა;
• გლიკოჰემოგლობინის განსაზღვრა კაპილარული სისხლით;
• დიაბეტით გამოწვეული თვალის დაავადებების მონიტორინგი;
• პროგრამის მოსარგებლეების და მათი მშობლების სამედიცინო განათლება;
• ფიზიკური რეაბილიტაციის უზრუნველყოფა, პაციენტის სურვილის შემთხვევაში;
• საჭიროების შემთხვევაში, პაციენტებისთვის, რომელთაც არ ესაჭიროებათ მედიკამენტის დოზის კორექცია, სამედიცინო ცნობის და რეცეპტის გაცემა და სხვა.

ლანჩხუთის მუნიციპალიტეტის სოფელ სუფსასა და სოფელ ხაჯალიაში, 100 ბავშვზე გათვლილი 2 ახალი საბავშვო ბაღი აშენდა.

საბავშვო ბაღებში მოეწყო სათამაშო და საძინებელი ოთახები, საპირფარეშოები და ეზოები. შენობები ადაპტირებულია განსაკუთრებული საჭიროებების მქონე პირთათვის. პროექტის ღირებულება 8,8 მილიონი ლარია.

ქვეყნის მასშტაბით კიდევ 20 საბავშვო ბაღის მშენებლობას მიმდინარეობს. პროგრამის ჯამური ღირებულება 79,5 მილიონი ლარია და მისი დასრულების შემდეგ 2275 ბავშვი ისარგებლებს განახლებული ინფრასტრუქტურით.

სამხედროების სამსახური არის ფასდაუდებელი და ჩვენ ყველანი, პირველ რიგში მთავრობა, ხელისუფლება არის ვალდებული, რომ მაქსიმუმი გააკეთოს თქვენთვის, რომ დაფასდეს თქვენი სამსახური, თავდადება, გმირობა ჩვენი ქვეყნის წინაშე, – ამის შესახებ საქართველოს პრემიერ-მინისტრმა ირაკლი ღარიბაშვილმა სამხედრო მოსამსახურეებისთვის „ჯარის ქალაქში” ბინების გადაცემის ცერემონიაზე სიტყვით გამოსვლისას განაცხადა.

ბინების გადაცემის ცერემონიაზე პირველი ბინა სამხედრო მოსამსახურის ოჯახს სიმბოლურად პრემიერმა გადასცა.

მახათას მთაზე უპრეცედენტო, მასშტაბური ბინათმშენებლობის პროექტი, რომელიც პრემიერ-მინისტრ ირაკლი ღარიბაშვილის ინიციატივით 2020 წლის ოქტომბერში დაიწყო, ოფიცრებისთვის საცხოვრებელი პირობების გაუმჯობესებას ისახავდა მიზნად და სამხედრო მოსამსახურეებზე ზრუნვის პოლიტიკის ფარგლებში განხორციელდა.

მახათას მთაზე სამხედროებისთვის 7-სართულიანი 39 კორპუსი აშენდა, რომლებშიც 1092 ბინა განთავსდა. სამხედროებმა 50მ2 (2-3 წევრი), 80მ2 (4 წევრი) და 110მ2-იანი (5 და მეტი წევრი) საცხოვრებელი ფართის შეძენა, სულადობის პრინციპის გათვალისწინებით, უპრეცედენტოდ − შეღავათიანი პირობებით − შეძლეს.
საცხოვრებელი ფართის კვადრატული მეტრის ღირებულება 200 დოლარს შეადგენდა. შესაბამისად, სამხედროებს ერთ კვადრატულ მეტრში დაახლოებით 100 დოლარის გადახდა მოუწიათ. ამ თანხის გადასახდელად მათ საშუალება ჰქონდათ არა საბანკო გარანტიებით, არამედ უპროცენტო შიდა განვადებით ესარგებლათ.

პროექტი განგრძობითი ხასიათის იქნება. ამ მიზნით თავდაცვის კოდექსში ცვლილებები შევიდა, რომლის შედეგადაც მაიორი და ზევით ოფიცერთა შემადგენლობა, მასტერ-სერჟანტი და ზევით სერჟანტთა კატეგორია ბინას მიიღებს, რაც იქნება სამხედროების დაფასების მიმართულებით სრულიად უპრეცედენტო გადაწყვეტილება, რომელიც მათ საყოფაცხოვრებო პირობებს მნიშვნელოვნად გააუმჯობესებს.

ქალაქ მარნეულში უეფას მეორე კატეგორიის სტადიონი შენდება.
სტადიონის მშენებლობის ძირითადი სამუშოები დასრულებულია.
პროექტის ფარგლებში უკვე აშენდა ცენტრალური სტადიონი 2000 გულშემატკივარისთვის განკუთვნილი ტრიბუნით.
სტადიონის კომპლექსში მოეწყო გასახდელები, სველი წერტილები, სწრაფი კვების სივრცეები და სხვა სამეურნეო სათავსები.
.დამონტაჟდება ძირითადი სტადიონის განათების, გახმოვანების და სახანძრო სისტემები. მოეწყობა სპეციალური სივრცეები ტელერეპორტაჟებისათვის
სტადიონი სრულად იქნება ადაპტირებული შეზღუდულლი შესაძლებლობის მქონე პირთათვის.
ახალი სტადიონი ქალაქისა და რეგიონის ახალგაზრდებში ჯანსაღი ცხოვრების წესის დამკვიდრებას შეუწყობს ხელს.
სამშენებლო სამუშაოებს ინფრასტრუქტურის სამინისტროს მუნიციპალური განვითარების ფონდი საქართველოს მთავრობის დაფინანსებით ახორციელებს, პროექტის ღირებულება 8.1 მილიონ ლარია.

პრემიერ-მინისტრ ირაკლი ღარიბაშვილის გადაწყვეტილებით, სტიქიის შედეგად დაზარალებული მევენახეები, რომლებსაც მოსავალი სრულად დაუზიანდათ, დახმარების სახით დაზიანებულ 1 ჰექტარზე 3500 ლარს მიიღებენ. გარდა ამისა, მიმდინარეობს დასეტყვილი ყურძნის ჩაბარების პროცესი და უკვე ჩაბარებულია 20 მილიონი ლარის ღირებულების დაზიანებული ყურძენი.