ყველა პენიტენციური დაწესებულების საზოგადოებრივი მისაღებების ინფრასტრუქტურა და ინვენტარი სრულად განახლდა, რაც თანამშრომელთა სამუშაო პირობებს გააუმჯობესებს და მომსახურების მიწოდებას კიდევ უფრო ეფექტიანს გახდის.
სარემონტო სამუშაო ჩატარდა მოქალაქეთა მისაღებ სივრცეში; განახლდა ელექტროგანათების, სავენტილაციო, გათბობა-გაგრილების სისტემები; შეიცვალა კომპიუტერული ტექნიკა და ავეჯი; გარემონტდა მისაღებების ტერიტორიაზე არსებული საბავშვო სივრცეც; სრულად განახლდა გარე პერიმეტრის ინფრასტრუქტურა.
სპეციალურ პენიტენციურ სამსახურში ინფრასტრუქტურის განახლება მუდმივ რეჟიმში მიმდინარეობს და სამსახურის საქმიანობის გასაუმჯობესებლად აღნიშნული პროცესი მომავალშიც აქტიურად გაგრძელდება.
