მარნეულში უეფას მეორე კატეგორიის სტადიონი შენდება

ქალაქ მარნეულში უეფას მეორე კატეგორიის სტადიონი შენდება.
სტადიონის მშენებლობის ძირითადი სამუშოები დასრულებულია.
პროექტის ფარგლებში უკვე აშენდა ცენტრალური სტადიონი 2000 გულშემატკივარისთვის განკუთვნილი ტრიბუნით.
სტადიონის კომპლექსში მოეწყო გასახდელები, სველი წერტილები, სწრაფი კვების სივრცეები და სხვა სამეურნეო სათავსები.
.დამონტაჟდება ძირითადი სტადიონის განათების, გახმოვანების და სახანძრო სისტემები. მოეწყობა სპეციალური სივრცეები ტელერეპორტაჟებისათვის
სტადიონი სრულად იქნება ადაპტირებული შეზღუდულლი შესაძლებლობის მქონე პირთათვის.
ახალი სტადიონი ქალაქისა და რეგიონის ახალგაზრდებში ჯანსაღი ცხოვრების წესის დამკვიდრებას შეუწყობს ხელს.
სამშენებლო სამუშაოებს ინფრასტრუქტურის სამინისტროს მუნიციპალური განვითარების ფონდი საქართველოს მთავრობის დაფინანსებით ახორციელებს, პროექტის ღირებულება 8.1 მილიონ ლარია.