ელექტრომობილები, რომელსაც ქუთაისის ქარხანა აწარმოებს, გავა ექსპორტზე, ასევე მოემსახურება ადგილობრივ ბაზარს
პირველ ეტაპზე წარმოებული იქნება 5000 ელექტრომობილი, თუმცა შემდეგ ეტაპზე ეს რიცხვი 40 ათასამდე გაიზრდება
ასევე იგეგმება ადგილზე მოხდეს სათადარიგო ნაწილების წარმოებაც. ამ ეტაპისთვის დასაქმებულია 300 ადამიანი, თუმცა ეს რიცხვი 3000-მდე გაიზრდება. ადგილზე იქნება წარმოებული აკუმულატორები, ელექტროობის წარმოების ხაზები და ასშ. რაც შესაძლებლობას იძლევა ქუთაისში მთლიანად აიწყოს ელექტრომობილი.

ქობულეთის მუნიციპალიტეტში განხორციელდა თბილისის, მეგობრობის და კოსტავას ქუჩების რეაბილიტაცია. ინფრასტრუქტურის მოწესრიგება 2019 წელს დაიწყო. შეიცვალა სანიაღვრე სისტემა, დეკორატიული ფილებით მოპირკეთდა ტროტუარები, შეიცვალა ბორდიურები. საავტომობილო გზაზე დაიგო ასფალტის საფარი და ფილები. აგრეთვე დასრულდა გელაურის უბნის კეთილმოწყობა, სადაც ინფრასტრუქტურული სამუშაოები პირველად განხორციელდა.

მიმდინარეობს 2 კმ სიგრძის მონაკვეთის ზღვისპირა პარკის მოწყობა.  პროექტის ფარგლებში უკვე მოეწყო 850 მეტრიანი მონაკვეთი. დეკორატიული ფილებით მოპირკეთდა სასეირნო ზოლი და სავალი ნაწილი, გაშენდა მწვანე ზოლი, დამონტაჟდა ახალი განათების სისტემა, აშენდა მრავალფუნქციური სპორტული მოედანი, პროექტი ადაპტირებულია იქნება შშმ პირებისათვის.

ქობულეთის მუნიციპალტეტში 2019 წელს მოეწყო 4 სკვერი , აშენდა და რეაბილიტაცია ჩაუტარდა 8 სტადიონს

ოზურგეთში, პირველი ცოცხალი საქონლის სატრანზიტო ცენტრი აშენდა, სადაც როგორც მსხვილფეხა, ისე წვრილფეხა საქონლის მიღება იქნება შესაძლებელი.

ამასთან, ცენტრს ერთდროულად 4 000 თავამდე საქონლის განთავსება შეეძლება.

სატრანზიტო მარშრუტი დაიწყება ბათუმის პორტში სპეციალიზირებული გემის მიღებით. ბათუმიდან ცხოველებს ოზურგეთის ლოგისტიკურ ცენტრში გადაიყვანენ, შემდეგ კი სპეციალიზირებული სატრანსპორტო საშუალებით საბოლოო დანიშნულების ადგილზე გაგზავნიან.

პროექტი 100-მდე ადგილობრივის დასაქმებას ითვალისწინებს.

პროექტს კომპანია „აგრო პრაიმი“ ახორციელებს, რომლის მთავარი პარტნიორი ქვეყანა ყაზახეთია.

პროექტის ინვესტიცია 10 მილიონ ლარამდეა, ლოგისტიკური ცენტრები აღჭურვილია თანამედროვე დანადგარებით, ელექტრო ღობეებითა და მოწყობილობებით.

მცხეთის მუნიციპალიტეტს მიეცა უფლება სხვადასხვა სახელმწიფო პროგრამების ბიუჯეტიდან წინა წლებში ეკონომიის სახით დარჩენილი თანხებით დააფინანსოს მუნიციპალიტეტის მოსახლეობისათვის საჭირო ინფრასტრუქტურული პროექტები. ამის შესახებ „ინტერპრესნიუსს“ საქართველოს რეგიონული განვითარებისა და ინფრასტრუქტურის სამინისტროდან აცნობეს.

უწყების ინფორმაციით, 2015-2018 წლებში საქართველოს მთავრობის მიერ გამოყოფილი დაფინანსებიდან დარჩენილი ეკონომია მოხმარდება მცხეთის მუნიციპალიტეტის სოფლებში – წეროვანსა და ბიწმენდში სასმელი წყლის სისტემების სარეაბილიტაციო სამუშაოებს.

წეროვანში შეიცვლება მეტალის ამორტიზებული მილები, რომლებიც ვეღარ უზრუნველყოფს წყლის გატარებას და აფერხებს მოსახლეობისათვის სრულყოფილ წყალმომარაგებას, სოფელ ბიწმენდში კი მოეწყობა ახალი ჭაბურღილი არსებულ ქსელში წყლის მიწოდებისთვის წყლის მარაგის გასაზრდელად.

პროექტის ფარგლებში გათვალისწინებულია დაცულ ტერიტორიაზე არსებული შენობის დემონტაჟი და თანამედროვე სტანდარტების ვიზიტორთა ცენტრის აშენება.

ახალი შენობის პირველადი და ძირითადი დანიშნულება იქნება სამეცნიერო- კვლევითი. შესაბამისად, ვიზიტორებს საშუალება ექნებათ, მიიღონ ნებისმიერი ინფორმაცია და კვლევითი მიზნით გამოიყენონ სივრცე.

2020 წელს ვაშლოვანის ეროვნული პარკის გარდა, ვიზიტორთა ცენტრი ფშავ-ხევსურეთის ეროვნული პარკშიც მოეწყობა.

გაერთიანებული წყალმომარაგების კომპანია კურორტ აბასთუმანში წყალარინების (კანალიზაციის) სისტემების მშენებლობას იწყებს.

გაერთიანებული წყალმომარაგების კომპანიის ინფორმაციით, ინფრასტრუქტურულ სამუშაოებს 4 მილიონ ლარამდე მოხმარდება. შესაბამის ხელშეკრულებას ხელი მოაწერეს წყალმომარაგების კომპანიის დირექტორმა, გრიგოლ მანდარიამ და ტენდერში გამარჯვებული კონტრაქტორი კომპანია „ფერის“ დირექტორმა, იოსებ მჭედლიშვილმა.

პროექტის ფარგლებში ახალი საკანალიზაციო სისტემა, კოლექტორები და კანალიზაციის ჭები მოეწყობა.

როგორც კომპანიაში აცხადებენ, კურორტზე წყალარინების ცენტრალიზებული ქსელი გასული საუკუნის 70-იან წლებშია აშენებული და დღეის მდგომარეობით, სისტემები სრულად ამორტიზებულია.

პროექტით გათვალისწინებული სამუშაოები მიმდინარე წლის შემოდგომაზე უნდა დასრულდეს. აბასთუმნის გარდა, ახალი ინფრასტრუქტურა ობსერვატორიის, აღობილისა და არაზინდოს დასახლებებს მოემსახურება.

2020 წლის ბოლოს ვარკეთილის სამხედრო ქალაქში და გორში, ბინას 667 სამხედრო მოსამსახურე მიიღებს. გათვალისწინებულია კორპუსების დასრულებული ფასადით, მოპირკეთებული სადარბაზოთი, სარდაფით, ლიფტებით, შესასვლელი რკინის კარით, ელექტროენერგიის ცენტრალური ქსელითა და წყალმომარაგებით უზრუნველყოფა. ასევე, მოხდება საცხოვრებელი ბინების მიმდებარე ტერიტორიის მოასფალტება და შ.შ.მ. პირებისთვის ადაპტირებული პანდუსების მოწყობა.

სამხედრო მოსამსახურეების სოციალური პირობების გაუმჯობესებისა და მათთვის სათანადო პირობების უზრუნველყოფის პროცესი „ქართული ოცნების“ ხელისუფლების დროს დაიწყო და დღემდე როგორც უწყების, ასევე მთავრობის ერთ-ერთ პრიორიტეტს წარმოადგენს. საქართველოს თავდაცვის სამინისტროში კონტრაქტის საფუძველზე სამხედრო მოსამსახურეებისთვის ბინების საკუთრებაში გადაცემა 2013 წლიდან მიმდინარეობს. დღემდე საქართველოს თავდაცვის სამინისტრომ საცხოვრებელი ფართით 1700-ზე მეტი ოჯახი უზრუნველყო.