გრიგოლეთი-ქობულეთის შემოვლითი გზის 14.4 კმ-იან მონაკვეთზე, სამშენებლო სამუშაოები აქტიურად მიმდინარეობს.

ამ ეტაპზე, გრუნტის სტაბილიზაციის სამუშაოები ხორციელდება.

პროექტი, 4 ზოლიანი ასფალტ–ბეტონის გზის, 22 სახიდე გადასასვლელის, 4 სატრანსპორტო კვანძის, წყალგამტარი მილების და მიწისქვეშა გასასვლელების მშენებლობას ითვალისიწინებს.

აღმოსავლეთ-დასავლეთის ჩქაროსნული ავტომაგისტრალის შემადგენელი მონაკვეთის, გრიგოლეთი–ქობულეთის შემოვლითი გზის საშუალებით, სამტრედია–გრიგოლეთის გზა ქობულეთის შემოვლით გზას დაუკავშირდება და სატრანსპორტო ნაკადი გრიგოლეთიდან ქობულეთის მიმართულებით ჩქაროსნული ავტომაგისტრალით იმოძრავებს.

პროექტის ღირებულება 228 მილიონ ლარს შეადგენს და ევროპის საინვესტიციო ბანკის ფინანსური მხარდაჭერით ხორციელდება.

სამუშაოების დასრულება 2021 წელს არის დაგეგმილი.

საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს გაუხსნის

საქართველოს პრემიერ-მინისტრის მრჩეველის ირაკლი ჩიქოვანის განცხადებით, ეს ქვეყნებია:

გერმანია, საფრანგეთი, ლატვია, ლიეტუვა და ესტონეთი.

ამასთან, ირაკლი ჩიქოვანის ინფორმაცით, ზემოჩამოთვლილი ხუთი ქვეყნის მოქალაქეებს/რეზიდენტებს შეეძლებათ ყველა სახის ვიზიტით საქართველოში მხოლოდ პირდაპირი საჰაერო გზით ჩამოსვლა.

გარდა ამისა, საქართველოს საზღვრის გადმოკვეთამდე მათ უნდა შეავსონ საგანგებოდ შემუშავებული სპეციალური, ელექტრონული ანკეტა, სადაც უნდა მიუთითონ შემოსვლამდე ბოლო 14 დღის განმავლობაში მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და სხვ.

მათივე თანხმობის შემთხვევაში ან/და საზღვარზე თერმოსკრინინგის გავლის შედეგად, 37 გრადუსზე მაღალი ტემპერატურის დაფიქსირების შემთხვევაში, აეროპორტში მათ ჩაუტარდებათ PCR ტესტი.

ასევე, სავალდებულო წესით ტესტირებას ან კარანტინს გაივლიან ის პირები, რომლებსაც ბოლო 14 დღის განმავლობაში აქვთ ევროკავშირის არაწევრ მაღალი საფრთხის მქონე ქვეყნებში მოგზაურობის ისტორია.

„საქართველოში ჩამოსულ თითოეულ პირთან, მთელი აქ ყოფნის პერიოდში, კომუნიკაციაში იქნება და მათზე იზრუნებს სპეციალურად შექმნილი ქოლ-ცენტრის ჯგუფი“, – აღნშინა ჩიქოვანმა.

მისივე თქმით, ზემოთ ჩამოთვლილი ხუთი ქვეყნის გარდა, ქვეყნებთან, რომლებმაც ასევე უპირობოდ გახსნეს საზღვრები საქართველოსთვის, გრძელდება შემდგომი მუშაობა შესაბამის პროცედურებთან დაკავშირებით.

ფოთში მრავალბინიანი საცხოვრებელი სახლების გადახურვის სამუშაოები გრძელდება. სახურავების კაპიტალური რემონტი რამდენიმე ობიექტზე ერთდროულად მიმდინარეობს.

პროექტის ფარგლებში, 14 საცხოვრებელი სახლი გადაიხურება: დანელიას- N72; 9 აპრილის- N12 და N33; ერეკლე მეორის -N30; გურიის- N177, N179, N187, N189; ჭანტურიას – N7, N9, N11; ჭავჭავაძის N142 და N144 ; აღმაშენებლის N3.

მიმდინარე სამუშაოების ღირებულება, რომელიც რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება 456 000 ლარია.

ხაშურის მუნიციპალიტეტში, საოკუპაციო ხაზთან მდებარე სოფელ ჩორჩანაში რეგიონებში განსახორციელებელი ფონდის თანადაფინანსებით საგზაო ინფრასტრუქტურის მოწყობა მიმდინარეობს.

ჯამში, დაგეგმილია 4,5 გრძივი მეტრი გზის რეაბილიტაცია. ამჟამად სანიაღვრე სისტემის მოწყობის სამუშაოები მიმდინარეობს, რომლის დასრულების შემდეგაც დაიწყება ასფალტ-ბეტონის საფარის მოწყობა. პროექტი მიმდინარე წლის ზაფხულში დასრულდება და ადგილობრივები გაუმჯობესებული საგზაო ინფრასტრუქტურით შეძლებენ სარგებლობას.

სამუშაოების დასრულების შემდეგ 8771 ადამიანს სტაბილური წყალმომარაგება ექნება.

გარდაბნის მუნიციპალიტეტის სოფლების – ზემო და ქვემო თელეთის, ახალწყალის, წალასყურის, მუხრანთელეთისა და კუმისის სასმელი წყლის სისტემის მოწყობისა და გამრიცხველიანების სამუშაოებზე გაერთიანებული წყალმომარაგების კომპანიამ ტენდერი გამოაცხადა.

აღნიშნულ სოფლებში წყალმომარაგების სისტემები დღემდე არ არსებობს, ადგილობრივებს წყალი მათ მიერვე მოწყობილი ჭაბურღილებიდან მიეწოდებათ, გვალვიან პერიოდში კი ჭებში წყალი შრება.

პროექტის ფარგლებში მოეწყობა ახალი სისტემები, რეზერვუარები სრული კომპიუტერული მართვისა და სათვალთვალო დაცვის სისტემით, ყველა რეზერვუარის ტერიტორიაზე გაკეთდება სანიტარული დაცვის ზონა.

სამუშაოები ითვალისწინებს ტერიტორიების დაქსელვასა და ინდივიდუალურ გამრიცხველიანებას.

პროექტის სავარაუდო ღირებულება 10 848 547 ლარია.

დაბა სტეფანწმინდაში ალექსანდრე ყაზბეგის ისტორიული სახლ-მუზეუმის რეაბილიტაცია მიმდინარეობს. პროექტი ითვალისწინებს მუზეუმის რეაბილიტაციის მე-2 ფაზის სამუშაოებს: ისტორიული ნაგებობების რეაბილიტაცია-რესტავრაციას და ტერიტორიის კეთილმოწყობას.