ირაკლი ღარიბაშვილის გადაწყვეტილებით განხორციელებული რეფორმის შედეგად, წამლების ჩამონათვალი, რომელზეც რეფერენტული ფასი მოქმედებს, გაიზარდა. ფასის ზედა ზღვარი, ჯამში, 2 300-ზე მეტ მედიკამენტზე განისაზღვრა.

არსებულ ქრონიკულ და ონკოლოგიურ პრეპარატებს, ანტიჰიპერტენზიული, ანტიკოაგულაციური, ანტიჰისტამინური, ანტიბიოტიკები, კუჭ-ნაწლავის ტრაქტზე მოქმედი, ტკივილგამაყუჩებელი და ანთების საწინააღმდეგო წამლები დაემატა.

ფასწარმოქმნის აღნიშნული მექანიზმი, წლის ბოლომდე, 7 000-მდე მედიკამენტზე გავრცელდება, რის შედეგადაც ფარმაცევტულ ბაზარზე, აქტიურად მიმოქცევაში არსებული მედიკამენტების მოცვა სრულად მოხდება.

რეფორმის მიზანი, მოქალაქეებისთვის მედიკამენტებზე მაქსიმალური ხელმისაწვდომობის უზრუნველყოფაა. ცვლილების შედეგად, ფარმაცევტული პროდუქტის ფასი, საშუალოდ, 40%-დან 80%-მდე შემცირდა.

მედიკამენტების ჩამონათვალისა და მაქსიმალური ზღვრული ფასის შესახებ ინფორმაცია იხილეთ ბმულზე:

https://referenceprice.moh.gov.ge/ui/#/main

ონკოლოგიური პაციენტებისთვის, სრულფასოვან მკურნალობაზე ხელმისაწვდომობის გაზრდის მიზნით, საყოველთაო ჯანმრთელობის დაცვის სახელმწიფო პროგრამაში მნიშვნელოვანი ცვლილებები განხორციელდა.

ქიმიოთერაპია, სხივური თერაპია და მედიკამენტები, ქვეყნის მასშტაბით, ყველა ონკოლოგიურ პაციენტს უფინანსდება. მათ შორის არიან ის პაციენტებიც, რომელთა წლიური შემოსავალი 40 000 ლარზე მეტია. ცვლილებამდე, მათ აღნიშნულ მომსახურებები არ უფინანსდებოდათ. სიახლე შეეხებათ დაზღვეულ ვეტერანებსაც.

აღნიშნული გადაწყვეტილებით, ონკოლოგიური დაავადებების მკურნალობა, საყოველთაო ჯანდაცვის პროგრამის ფარგლებში, თითოეული ბენეფიციარისთვის, მათი შემოსავლის მიუხედავად, თანაბრად ხელმისაწვდომი იქნება.

ცვლილება უკვე დაამტკიცა საქართველოს მთავრობამ.

ონკოლოგიური დაავადების მქონე ბავშვებთან დაკავშირებით კონტრაქტებს შერჩეულ კლინიკებთან ხელი უკვე მოეწერა. ჯანდაცვის სამინისტრომ განაცხადების მიღება 2023 წლის 24 ივლისიდან დაიწყებო. ბავშვი საქართველო იმკურნალებს, თუ რომელიმე უცხოურ კლინიკაში იქნება გადაყვანა საჭირო სპეციალური ბორდი განიხილავს. გადაწყვეტილება იმის მიხედვით მიიღება, თუ რომელი პროცესი მეტად სასურველია დაავადების განსაკურნებლად.

მთავრობის მიერ შერჩეული კლინიკების ჩამონათვალი შემდეგნაირია:

ისრაელი – იხილოვის სამედიცინო ცენტრი;
ესპანეთი – “ქირონის” კლინიკა;
თურქეთი – “ანადოლუ,”
საქართველო – იაშვილის პედიატრიული კლინიკა;

შეგახსენებთ რომ ირაკლი ღარიბაშვილის მიერ მიღებული გადაწყვეტილებით, ონკოლოგიური დაავადებების მქონე ყველა ბავშვის მკურნალობას სახელმწიფო აფინანსებს.

მთავრობის გადაწყვეტილების საფუძველზე, 367 დევნილ ოჯახს საკუთრებაში გადაეცემა მათ მიერ ფაქტობრივად დაკავებული 409 ქონება, მათ შორის, საცხოვრებელი ბინები და როგორც სასოფლო, ისე არასასოფლო-სამეურნეო დანიშნულების მიწები.

დევნილებისთვის გადასაცემი ქონება მდებარეობს თბილისში, ქუთაისში, დაბა ჩხოროწყუში, შიდა ქართლში, თელავში, მცხეთაში, ბორჯომში, ქვემო ქართლში, სამეგრელოში, იმერეთში, ბათუმსა და რაჭა-ლეჩხუმში.