ზემო იმერეთი-რაჭის დამაკავშირებელი 51 კმ-მდე გზის 5 ლოტზე მშენებლობა-რეკონსტრუქცია აქტიურად მიმდინარეობს. პირველი ლოტის 3.5 კმ-იან მონაკვეთზე სამუშაოები დასრულებულია. დარჩენილ მე-7 ლოტზე სამუშაოების დაწყება და დასრულება დაგეგმილა 2021 წლისთვის.

გზა საჩხერიდან იწყება და გაივლის შემდეგ სოფლებზე: სარეკი, ქვემო ხევი, უზუნთა, შქმერი, ბოყვა, ქვაშხიეთი, ზუდალი და საბოლოოდ გზა შეუერთდება ამბროლაური-ონის გზას, რომელიც ქ. ამბროლაურიდან დაშორებულია 20 კმ-ით, ხოლო ქ. ონიდან 5 კმ-ით.

ზემო იმერეთი-რაჭის დამაკავშირებელი საავტომობილო გზა ძალიან მნიშვნელოვანია სოციალ-ეკონომიკური თვალსაზრისით. ახალი საავტომობილო გზით საჩხერე-ონის მარშრუტი სულ მცირე 1 საათით მცირდება.

თბილისიდან ონში მგზავრობის დრო 1,5 საათით შემცირდება და 6 საათის ნაცვლად მგზავრობის დრო 4,5 საათი იქნება
პროექტის საერთო სავარაუდო ღირებულება 105 000 000 ლარს შეადგენს და მისი დასრულება ეტაპობრივად 2021 წლისთვის არის დაგეგმილი.

რეგიონში გრძელვადიან პროგრამას, პანდემიით გამოწვეული სიტუაციის გამო მხარდაჭერა შეჭირვებულ ოჯახებს სურსათით და ჰიგიენური საშუალებებით ორგანიზაცია ახორციელებს მუნიციპალიტეტებში.

სულ დღემდე ორგანიზაცია დაეხმარა 850 ოჯახს.

სამცხე-ჯავახეთის განვითარების ცენტრმა გასულ კვირას მიიღო 4.000$ შემოწირულობა ჰონგ-კონგში ბაზირებული ორგანიზაციიდან “Drop of Life”, რომელიც სრულად მოხმარდება შეჭირვებულ ოჯახებში სასურსათო და ჰიგიენური ამანათების დარიგებას. სულ შესყიდულია 110 საკვები და ჰიგიენური ამანათი, რომელიც გადაეცემა ასპინძის მუნიციპალიტეტში მცხოვრებ 50 ოჯახს და ახალციხის მუნიციპალიტეტში მცხოვრებ 60 ოჯახს. 1 ამანათის ღირებულებაა 110 ლარი.

ორგანიზაცია ამ შემოწირულობის ფარგლებში მჭიდროდ თანამშრომლობს სამცხე-ჯავახეთის სამხარეო ადმინისტრაციასთან და ახალციხის და ასპინძის მუნიციპალიტეტებთან. საკვების დარიგება განხორციელდება ერთობლივად მუნიციპალიტეტების და ორგანიზაციის მიერ.

პროექტი რომელიც მიმდინარეობს კახეთში, რეგიონებში განსახორციელებელი პროექტების ფონდიდან არის დაფინანსებული და ჯამური ღირებულება 1 256 645 ლარს შეადგენს. მშენებლობის დასრულების დროდ მიმდინარე წლის შემოდგომა განისაზღვრა. თელავის ავტოსადგომი 40 ერთეულ ავტობუსზე იქნება გათვლილი. პირველ ეტაპზე თელავს 10 ერთეული ავტობუსი გადაეცემა, ხოლო მეორე ეტაპზე დაგეგმილია 25- 30 ავტობუსის შემოყვანა. საქართველოს რეგიონული განვითარებისა და ინფრასტრუქტურის სამინისტრომ 6 ქალაქისთვის 175 ერთეული ახალი ავტობუსი უკვე შეისყიდა. თელავის მცხოვრებლები მალე ახალი საზოგადოებრივი ტრანსპორტით ისარგებლებენ.

საქართველოს რეგიონული განვითარების სამინისტროსა და EBRD-ის მხარდაჭერით თელავში მიმდინარეობს ავტოსადგომის მშენებლობა, რომელიც გათვლილია ჯამში 35- 40 ავტობუსზე, პირველ ეტაპზე თელავში შემოვა 10 ერთეული ავტობუსი, რომელიც იმოძრავებს ქალაქის მასშტაბით, ხოლო მეორე ეტაპი მოიცავს 25-30 ავტობუსის შემოყვანას, რომელიც უკვე მთლიანად მუნიციპალიტეტს მოემსახურება.

აღმოსავლეთ-დასავლეთის ჩქაროსნული ავტომაგისტარლის ქუთაისის შემოვლითი-სამტრედიის გზის 19 კმ-იან მონაკვეთზე მოძრაობა გაიხსნა.  ამ მონაკვეთზე ექსპლოატაციაში შევიდა ავტომაგისტრალის ახალი 2 ზოლი. ავტოტრანსპორტი იმოძრავებს სპეციალური სქემის შესაბამისად: თბილისიდან დასავლეთის მიმართულებით მოძრავი სატრანსპორტო საშუალებები გადაადგილდებიან ნახშირღელეს კვანძით  ქუთაისი-სამტრედიის გზის მე-13 კმ-მდე, საიდანაც ნიკეას ქუჩის გავლით დაუკავშირდებიან გეგუთის სატრანსპორტო კვანძს, ხოლო დაფნარის სატრანსპორტო კვანძის გავლით გააგრძელებენ მოძრაობას ფოთი-ბათუმი-სარფის და სენაკი-ზუგდიდის მიმართულებებით.

გეგუთი-ბაშის მონაკვეთზე გადაადგილება განხორციელდება ორივე მიმართულებით ორი სამოძრაო ზოლით, ხოლო ბაშიდან დაფნარამდე არსებულ მონაკვეთზე გადაადგილება შესაძლებელი იქნება მხოლოდ დასავლეთის მიმართულებით ორი სამოძრაო ზოლის გამოყენებით.

დასავლეთიდან თბილისის მიმართულებით მოძრავი სატრანსპორტო საშუალებები გადაადგილდებიან ქუთაისი-სამტრედიის საავტომობილო გზაზე, რომლის 37-ე კმ-დან მოძრაობას განაგრძობენ მარჯვნივ და ბაშის სატრანსპორტო კვანძის გამოყენებით დაუკავშირდებიან თბილისის მიმართულებას.

ქუთაისის შემოვლითი-სამტრედიის 41.3 კმ-იანი გზა დაყოფილია 4 ლოტად. ახალი გზის მშენებლობის დასრულების შემდეგ, ქუთაისი-სამტერდიის მონაკვეთზე მოძრაობა ცალმხრივი გახდება. ჩქაროსნული ავტომაგისტრალის სხვა მონაკვეთების მშენებლობისგან განსხვავებით, აღნიშნული მონაკვეთის მშენებლობა სახელმწიფო ბიუჯეტიდან დაფინანსდება და პროექტის ღირებულება 200 მილიონ 255 ათას ლარამდეა.

ქუთისის შემოვლითი-სამტრედიის მონაკვეთზე, ახალი 2 ზოლის მშენებლობა 2020 წლის ბოლოს დასრულდება.

დაბა ყაზბეგში საგზაო ინფრასტრუქტურა წესრიგდება

დაბა ყაზბეგში ალექსანდრე ყაზბეგის ძეგლის მიმდებარედ არსებული გზა სრულად განახლდა. რეგიონალური განვითარების და ინფრასტრუქტურის სამინისტროს საავტომობილო გზების დეპარტამენტის დახმარებით ტერიტორიაზე ახალი ორ საფარიანი ასფალტი იგება,ტენდერში გამარჯვებული კომპანია დასკვნით სამუშაოებს ახორციელებს.საერთო ჯამში ახალი გზის საფარი დაახლოებით ორ კილომეტრიან მონაკვეთზე იცვლება.

კიდევ 113 ეკომიგრანტ ოჯახს სახლები დაუკანონდა – წალკის, თეთრიწყაროს, ნინოწმინდის, ახმეტის, ლაგოდეხის, სიღნაღისა და ხონის მუნიციპალიტეტებში.

მიმდინარე წლის ბოლომდე, საცხოვრებელი ფართი კიდევ 200 ეკომიგრანტ ოჯახს დაუკანონდება, დამატებით 180 ოჯახს კი სახელმწიფო ახალ სახლს შეუსყიდის.

2013 წლიდან დღემდე, სახელმწიფომ, საქართველოს მასშტაბით, უსაფრთხო გარემოში 1300-მდე ეკომიგრანტი ოჯახი განასახლა.