შპს „საქართველოს მელიორაციამ“ ქვემო ქართლში, ჯანდარის მაგისტრალური სარწყავი არხის აღდგენითი სამუშაოების პირველი ეტაპი დაასრულა.

მარნეულის მუნიციპალიტეტში ხე-მცენარეებისა და ბუჩქნარისაგან არხის 2000-მეტრიანი მონაკვეთი გაიწმინდა.

ექსპლუატაციის პროგრამით განხორციელებული ღონისძიებები არხში წყლის შეუფერხებლად გადინებას უზრუნველყოფს, რაც მუნიციპალიტეტში 40 ჰექტარ სასოფლო-სამეურნეო მიწის ფართობზე სარწყავი წყლის მიწოდებას გააუმჯობესებს.

დღეისათვის ქვეყნის მასშტაბით სამელიორაციო ინფრასტრუქტურის 34 სარეაბილიტაციო პროექტი მიმდინარეობს, რომელთა დასრულების შემდეგ დამატებით 3 200 ჰექტარი სასოფლო-სამეურნეო მიწის ფართობი მოირწყვება, სარწყავი წყლის მიწოდება 17 000-ზე მეტ ჰექტარზე გაუმჯობესდება, ხოლო დამშრალი ფართობის რაოდენობას 4 500 ჰექტარი დაემატება.

“აწარმოე საქართველოში” მხარდაჭერით თბილისში კიდევ ერთი ახალი საწარმო გაიხსნა.

სპილენძისა და ალუმინის სადენების საწარმოს ამოქმედების პირველ ეტაპზე 100 დასაქმდა, ხოლო მისი სრულად დატვირთვის შემდეგ, სამუშაო ადგილების რიცხვი 250-მდე გაიზრდება.

კომპანიამ განახორციელა 15 მილიონი ლარის ინვესტიცია და თავის საქმიანობას მსოფლიოში არსებული უახლესი ტექნოლოგიის გამოყენებით განახორციელებს, რაც უზრუნველყოფს სრულად ავტომატიზებულ წარმოებასა და დაბალ საწარმოო ფასს.

ნაძალადევის რაიონში, ვეტერანთა კულტურისა და დასვენების პარკის (ე.წ. კიკვიძის პარკის) რეაბილიტაცია დასრულდა. სამუშაოები თბილისის მერიის გარემოს დაცვის საქალაქო სამსახურმა აწარმოა.

რეაბილიტაციის ფარგლებში, პარკს შეუერთდა მიმდებარედ არსებული აუთვისებელი ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, წყალარინების, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე, ასევე, განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტირდა პარკში არსებული შენობები და შადრევანი.

ტერიტორიაზე, რომლის ფართობიც 72 100 კვადრატული მეტრია, ჯამში, 12 124 ძირი ხე-მცენარე დაირგო. ამასთან, 7 880 ძირი სხვადასხვა სახეობის მცენარე 1 600 მეტრამდე სიგრძის ცოცხალი ღობის შესავსებად დაირგო, ხოლო 390 ძირი მცენარით შეიქმნა 78 მეტრი სიგრძის კიდევ ერთი ცოცხალი ღობე.

სამუშაოების განსახორციელებლად დედაქალაქის ბიუჯეტიდან 4 500 000 ლარი გამოიყო.

ახლა ჩემი მთავარი კონცენტრაცია და ფოკუსი მიმართული არის ჩვენი ჯარის და ჩვენი თავდაცვის ძალების გრძელვადიან განვითარებაზე” – ამის შესახებ ტელეკომპანია “იმედის” ეთერში გადაცემა “ღია ეთერში” თავდაცვის მინისტრმა, ირაკლი ღარიბაშვილმა განაცხადა.

მინისტრის თქმით, მისმა გუნდმა თავდაცვის ძალების განვითარების 10-წლიანი გეგმა შეიმუშავა.

“ჩვენ შევიმუშავეთ თავდაცვის ძალების გრძელვადიანი, 10-წლიანი განვითარების გეგმა, კერძოდ, 2030 წლამდე როგორ მივდივართ, როგორი უნდა იყოს ჯარი, როგორ გვესახება ჩვენი ჯარის განვითარება, როგორი შეიარაღება უნდა ჰქონდეს ჩვენს ჯარს, რა რიცხოვნობა, რა მასშტაბი უნდა ჰქონდეს ჩვენს ჯარს და, ზოგადად, როგორ უნდა განვავითაროთ ჩვენი თავდაცვის ძალები.

ჩვენ ვგეგმავთ რამდენიმე მილიარდის დახარჯვას თანამედროვე ნატოს შესაბამისი შეიარაღების სისტემების შესაძენად. ეს იქნება გრძელვადიანი შესყიდვები, მრავალწლიანი გადახდის პირობით, ანუ იგივე პრინციპის გამოყენებით, რომელიც მე უკვე სატესტოდ პრეცედენტულად გამოვიყენე 500 ერთეული სპეცტექნიკის შესაძენად.

ჩვენი ასეთი მიდგომით გადავწყვეტთ ძალიან დიდ პრობლემას, რომელიც შეეხება ჩვენი ჯარის თავდაცვიუნარიანობის გაძლიერებას და, ზოგადად, ჩვენი ჯარის სიძლიერეს.

გვაქვს უკვე ზუსტი ხედვა, დეტალური გეგმა, თუ რა შეიარაღების ყიდვას ვგეგმავთ. რა თქმა უნდა, ყველაფერი იქნება ნატოს სტანდარტის შესაბამისი” – აღნიშნა ირაკლი ღარიბაშვილმა.

საქართველოს თავდაცვის ძალების ევროპული სტანდარტის, გერმანული ფეხსაცმლით მომარაგების პროცესი წარმატებით დასრულდა. ქართველი სამხედროები უკვე სრულად არიან აღჭურვილი უმაღლესი ხარისხის, მსოფლიო ბრენდის მიერ წარმოებული სამხედრო ფეხსაცმლით.

თავდაცვის ძალების საწყობებში მაღალყელიანი სამხედრო ფეხსაცმლის მარაგები შეიქმნა.

თავდაცვის მინისტრის ინიციატივით, თავდაცვის ძალების 29-წლიანი ისტორიის განმავლობაში პირველად, სამხედროები უმაღლესი სტანდარტის ფეხსაცმლით არიან უზრუნველყოფილნი. წყალგამძლე, ქარგაუმტარი და ჰაერგამტარი ფეხსაცმელი წარმოებულია ევროკავშირში მაღალი ტექნოლოგიებისა და ინოვაციური სისტემების მქონე საწარმოში, რომელიც ასევე ამარაგებს გერმანიის, საფრანგეთის, დიდი ბრიტანეთის და ნატოს სხვა წამყვანი ქვეყნების შეიარაღებულ ძალებს.

ვაზისუბნისა და სამება-მახათას მთის ტერიტორიულ არეალებში 12 პოტენციური საბაგირო დერეფნის ტექნიკურ-ეკონომიკური კვლევა განხორციელდა. აქედან გამოიკვეთა ორი კონკრეტული არეალი, სადაც მიზანშეწონილი და შესაძლებელია ახალი საბაგიროს პროექტების განხორციელება. პროექტირებისა და მშენებლობის ხარჯები საქართველოს მთავრობის შუამდგომლობით სასესხო შეთანხმების საფუძველზე საფრანგეთის განვითარების სააგენტოს მიერ დაფინანსდება. პროექტების განხორციელება ეტაპობრივად მოხდება. პირველი კი სამგორი-ვაზისუბნის პროექტი იქნება.

სამგორი-ვაზისუბნის საბაგირო ხაზი მჭიდროდ დასახლებულ ვაზისუბნის დასახლებას, სადაც 40 ათასზე მეტი მცხოვრებია, მეტროსადგურ სამგორთან დააკავშირებს. ეს სატრანსპორტო მდგომარეობასაც გააუმჯობესებს. მეორე პროექტი, მეტროსადგურ სარაჯიშვილის მიმდებარე ტერიტორიას ზღვისუბნის ტერიტორიასთან დააკავშირებს. ერთი სადგური განთავსდება თემქის ხევშიც.