ზუგდიდი-ჯვარი-მესტია-ლასდილის საავტომობილო გზის 7 კმ-იან მონაკვეთზე (კმ178-კმ185) სარეაბილიტაციო სამუშაოები ინტენსიურ რეჟიმში მიმდინარეობს.
სარეაბილიტაციო მონაკვეთი, მესტიის მუნიციპალიტეტის ტერიტორიაზე, მაღალმთიან რელიეფში, ძირითადად დაუსახლებელ ტერიტორიაზე მდებარეობს.
პროექტის შესაბამისად განხორციელდება გზის ტექნიკური პარამეტრების გაუმჯობესება, საგზაო სამოსის მოწყობა, კიუვეტებისა და არსებული ხელოვნური ნაგებობების შეკეთება და ახლების მოწყობა, რკინაბეტონის აივნების მოწყობა, მიწის ვაკისის და გზის სავალი ნაწილის გაგანიერება, მიერთებების და ეზოში შესასვლელების მოწყობა, ავტობუსის გასაჩერებელი ჯიბეების და მოსაცდელების მოწყობა, გზის სავალი ნაწილის მონიშვნა.
საგზაო ნიშნებისა და შემოფარგვლის მოწყობა უზრუნველყოფს როგორც ავტომობილების, ასევე ფეხით მოსიარულე ტურისტების და სეზონური დამსვენებლების უსაფრთხო და კომფორტულ მოძრაობას.
პროექტის ღირებულება 14 350 000 ლარია.
