რიკოთის საუღელტეხილო გზის ჩუმათელეთი-ხევის 11.6-კილომეტრიან, ხევი-უბისას 12.2-კილომეტრიან, უბისა-შორაპანის 13-კილომეტრიან და შორაპანი-არგვეთას 14.7 მონაკვეთებზე სამშენებლო სამუშაოები აქტიურად მიმდინარეობს.
რიკოთის საუღელტეხილო მონაკვეთის მშენებლობა საუკუნის პროექტია, რომელიც ურთულეს გეოლოგიურ და გეოგრაფიულ მარშრუტზე, რთული საინჟინრო კონსტრუქციებით ხორციელდება. ამ ეტაპზე სამშენებლო სამუშაო, ჯამში, 69 ხიდსა და 47 გვირაბზე პარალელურად მიმდინარეობს.
რიკოთზე, საერთო ჯამში, დაგეგმილია 51.6 კმ-მდე სიგრძის გზის მშენებლობა, რომელიც 96 ხიდსა და 53 გვირაბს მოიცავს.
E 60-ის მოდერნიზება ხელს შეუწყობს ჩქაროსნული გზის გამტარუნარიანობისა და სატრანზიტო ტვირთბრუნვის ზრდას, ასევე ავტოტრანსპორტის მოძრაობის უსაფრთხოების დონის ამაღლებას და მგზავრობის დროის შემცირებას.
რიკოთის საუღელტეხილო გზის მშენებლობის დასრულება დაგეგმილია 2023 წლისთვის.
