კასპის სამუსიკო სკოლას სრული რეაბილიტაცია უტარდება. პროექტის ფარგლებში შენობაში იგეგმება სასმელი წყლისა და საკანალიზაციო ქსელის გაყვანილობების შეცვლა, მოეწყობა სველი წერტილები, სახურავი, კარ-ფანჯრები, ჭერი, იატაკი, კიბეები და ცენტრალური გათბობა.
შენობა სრულად იქნება ადაპტირებული სპეციალური საჭიროების მქონე პირებისთვის.
სამუსიკო სკოლის სარეაბილიტაციო სამუშაოები ადგილობრივი ბიუჯეტიდან ფინანსდება, პროექტის დასრულება კი მიმდინარე წელს იგეგმება.
სამუსიკო სკოლაში 300-ზე მეტი მოსწავლე სწავლობს, რომლებიც მუსიკასთან ერთად სხვა სახელოვნებო მიმართულებებსაც ეუფლებიან. სკოლა 1961 წელს გაიხსნა, შენობას ათეული წლებია, რეაბილიტაცია არ ჩატარებია.
