საგარეჯოს მუნიციპალიტეტში მანავის ციხესთან მისასვლელი გზის მოწყობის სამუშაოები აქტიურად მიმდინარეობს. პროექტი საპილოტე რეგიონების ინტეგრირებული განვითარების პროგრამის ფარგლებში ხორციელდება. აღნიშნული პროგრამის ფარგლებში, კახეთის რეგიონში ჯამში 3 პროექტი დაფინანსდა.
ბიზნესის განვითარების ხელშემწყობი ინფრასტრუქტურის მოწყობის მიზნით, ახმეტისა და საგარეჯოს მუნიციპალიტეტებში ტურისტული დანიშნულების ობიექტებამდე მისასვლელი საგზაო ინფრასტრუქტურის მოწესრიგება, ხოლო ქალაქ თელავში ორ მსხვილ სავაჭრო ობიექტამდე მისასვლელი გზის რეაბილიტაცია მიმდინარეობს.
