სახელმწიფო პროგრამის – “განახლებული რეგიონების“ ფარგლებში, ხაშურის ცენტრალური მოედნისა და მიმდებარე ტერიტორიის რეაბილიტაცია განხორციელდება. რეაბილიტაცია ჩაუტარდება ხაშურის ცენტრალურ სკვერს, განახლდება მიმდებარე შენობებისა და ხაშურის რკინიგზის სადგურის შენობის ფასადი. პრემიერ-მინისტრ ირაკლი ღარიბაშვილის ინიციატივით მიმდინარე ახალი სახელმწიფო პროგრამა საქართველოს 60-ზე მეტ მუნიციპალიტეტში აქტიურად მიმდინარეობს.
