არჩევნები იყო კონკურენტული და საბოლოო ჯამში, ფუნდამენტური თავისუფლებები დაცული იქნა, – ამის შესახებ ეუთო-ს სპეციალურმა კოორდინატორმა ელონა გებრეა ხოჯამ განაცხადა, რომელიც საქართველოში 31 ოქტომბრის საპარლამენტო არჩევნებს აკვირდებოდა.

მისივე თქმით, არჩევნები „კოვიდ-19“-ის პანდემიის და შესაბამისი გამოწვევების მიუხედავად, ეფექტიანად ჩატარდა.

თუმცა, ელონა გებრეა ხოჯას განმარტებით, იყო მუდმივი ბრალდებები, რომ ხდებოდა ამომრჩევლებზე ზეწოლა, არ იყო ნათლად გამიჯნული ხაზი მმართველ პარტიას და სახელმწიფოს შორის, რაც ამ პროცესის მიმართ საზოგადოების ნდობას ამცირებდა.

„მინდა, დავიწყო იმის აღნიშვნით, რომ „კოვიდ-19“-ის პანდემიამ მართლაც წვლილი შეიტანა, შექმნილიყო უნიკალური და ძალიან დიდი გამოწვევების კონტექსტი. არჩევნები იყო კონკურენტული და საბოლოო ჯამში, ფუნდამენტური თავისუფლებები დაცული იქნა, თუმცა იყო მუდმივი ბრალდებები, რომ ხდებოდა ამომრჩევლებზე ზეწოლა და არ იყო ნათლად გამიჯნული ხაზი მმართველ პარტიას და სახელმწიფოს შორის, რაც ამცირებდა საზოგადოების ნდობას ამ პროცესის მიმართ.

არჩევნები გაიმართა ახალ საკანონმდებლო ჩარჩოს მოცემულობით. არჩევნები ზოგადად ეფექტიანად იქნა განხორციელებული „კოვიდ-19“-ის პანდემიის და შესაბამისი გამოწვევების მიუხედავად. მაგრამ საარჩევნო კომისიებში მმართველი პარტიის დომინანტურმა წარმომადგენლობამ უარყოფითი წარმოდგენა მოახერხა ადამიანების აღქმაზე, რამდენად მიუკერძოებლად, დამოუკიდებლად ხორციელდებოდა არჩევნები ყველა დონეზე“, – განაცხადა მან.

გარდა ამისა, ელონა გებრეა ხოჯამ მადლობა გადაუხადა საქართველოს ხელისუფლებას, რომელმაც საერთაშორისო სადამკვირვებლო მისია მოიწვია.

„მადლობა საქართველოს ხელისუფლებას, რომლემაც მოგვიწვია, რომ დავკვირვებოდით ამ არჩევნებს. გვინდა, მადლობა გადავუხადოთ საქართველოს პარლამენტს, რომ დახმარება გაგვიწიეს ყველა საორგანიზაციო საკითხებთან დაკავშირებით, თავიანთი სტუმართმოყვარეობისთვის.

კოვიდპანდემიამ ძალიან დიდი პრობლემა შექმნა ჩვენი თანადამკვირვებლებისთვის, ასევე ადგილობრივი პარტნიორებისთვის, რათა მათ ორგანიზება გაეწიათ ამ არჩევნებისთვის.აღსანიშნავია, რომ ამ საფრთხის მიუხედავად, საქართველოში ხალხმა შეძლო, რომ დიდი ოდენობით გამოცხადებულიყო საარჩევნო უბანზე და ხმა მიეცა.

მინდა, ასევე დიდი მადლობა გადავუხადო ჩვენს ქართველ მასპინძლებს, რათა ისინი მუდმივად აკვირდებოდნენ, რომ დამკვირვებლები ყოველთვის ყოფილიყვნენ უსაფრთხოდ პანდემიის კონტექსტში. სამწუხაროდ, ჩემი კოლეგა, ქალბატონი პია კაომა, რომელიც იყო დელეგაციის ხელმღვანელი, დღეს ვერ ესწრება ამ პრესკონფერენციას“, – განაცხადა ელონა გებრეა ხოჯამ.

LEAVE A REPLY

Please enter your comment!
Please enter your name here