საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, პრემიერ-მინისტრის ინიციატივით დაწყებული პროგრამის „განახლებული რეგიონები“ ფარგლებში მიმდინარე ინფრასტრუქტურულ პროექტებს ქვეყნის 63 მუნიციპალიტეტში ახორციელებს – ახმეტაში დასრულების ფაზაშია ბიძინა ჩოლოყაშვილის ქუჩის მიმდებარე ტერიტორიისა და მდინარე ორვილას ხიდის ურბანული განახლების სამუშაოები, რეაბილიტირდება 8 შენობა და 3 პარკი, რომელთა ჯამური ღირებულება 5 მლნ ლარია.

ახმეტის ცენტრში მიმდინარე სამუშაოები დღეს პრემიერ-მინისტრმა ირაკლი ღარიბაშვილმა რეგიონული განვითარებისა და ინფრასტრუქტურის მინისტრ ირაკლი ქარსელაძესთან ერთად დაათვალიერა.

პრემიერმა ახმეტაში შინმოუსვლელთა სკვერისა და საქართველოს ტერიტორიული მთლიანობისათვის დაღუპულ მებრძოლთა მემორიალი მოინახულა, რომელთა სამშენებლო-სარეაბილიტაციო სამუშაოების ღირებულება 551 000 ლარია.

მინისტრმა მთავრობის მეთაურს იმ პროექტების შესახებ მიაწოდა ინფორმაცია, რომელიც ახმეტაში პროგრამის – „განახლებული რეგიონები“ ფარგლებში მიმდინარეობს, მათ შორისაა – თიანეთი-ახმეტას 30 კმ-იანი მონაკვეთის რეაბილიტაცია, პროექტი მსოფლიო ბანკის ფინანსური მხარდაჭერით ხორციელდება და მისი ღირებულება 12 მლნ ლარზე მეტია. სამუშაოების დასრულების შემდეგ, თიანეთიდან ახმეტამდე მგზავრობას 1:20 საათის ნაცვლად 30 წუთი დასჭირდება. აგრეთვე აღსანიშნავია ახმეტის მუნიციპალიტეტში მდებარე ზემო ხოდაშენი-ალავერდი-ქვემო ალვანის საავტომობილო გზის 11.7 კმ-იანი მონაკვეთის სარეაბილიტაციო სამუშაოები. სარეაბილიტაციო გზა ერთმანეთთან ახმეტა-თელავი-ბაკურციხისა და თიანეთი-ახმეტა-ყვარელი-ნინიგორის გზებს აკავშირებს. პროექტი სახელმწიფო ბიუჯეტიდან ფინანსდება და მისი ღირებულება 12 მილიონ ლარამდეა.

პრემიერთან ერთად ადგილზე ახმეტის მერი ალექსი ფიცხელაური, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და პარლამენტის წევრები იმყოფებოდნენ.May be an image of 5 people, people standing and outdoorsMay be an image of 5 people, people standing, outdoors and treeMay be an image of 10 people, people standing and outdoorsMay be an image of 8 people, people standing and outdoorsMay be an image of 5 people, people standing and outdoorsMay be an image of 5 people and people standingMay be an image of tree, monument and outdoorsMay be an image of grass and treeMay be an image of parkMay be an image of 4 people and outdoorsMay be an image of monument and outdoorsMay be an image of tree and outdoorsMay be an image of outdoors

LEAVE A REPLY

Please enter your comment!
Please enter your name here