მცხეთის მუნიციპალიტეტის სოფელ მისაქციელში სპორტული დარბაზის მშენებლობა დასრულდა. პროექტის ფარგლებში, მოეწყო საქვაბე და შიდა პერიმეტრზე დამონტაჟდა გათბობის სისტემა. ამასთან, მაყურებლისათვის დაიდგა სკამები. შიდა სამშენებლო სამუშაოების პარალელურად კი, შემოიღობა სპორდარბაზის ეზო, რომელიც ბეტონის ფილებით მოპირკეთდა.

აღსანიშნავია, რომ სპორტდარბაზი, რომელიც 60 აღსაზრდელზეა გათვლილი, უახლოეს პერიოდში შესაბამისი ინვენტარით აღიჭურვება და ჭიდაობის სხვადასხვა სახეობაში შეჯიბრებასაც უმასპინძლებს.

მისაქციელის სპორტდარბაზის მშენებლობის პროექტი რეგიონებში განსახორციელებელი პროექტების ფონდიდან დაფინანსდა და მისი სახელშეკრულებო თანხა 700 000 ლარამდეა. სამუშაოები მცხეთის მერიის კონტრაქტორმა კომპანიამ შპს ,,მეტალ +“-მა შეასრულა.

LEAVE A REPLY

Please enter your comment!
Please enter your name here