პროექტ „ახალი ტფილისის“ ფარგლებში, თბილისის განვითარების ფონდმა სკუდიერის ქუჩაზე და მის მიმდებარე ტერიტორიაზე კეთილმოწყობის სამუშაოები დაასრულა.
პროექტის ფარგლებში, რომლის ღირებულებამ 1 700 000 ლარი შეადგინა, რესტავრირდა და მოპირკეთდა საყრდენი კედელი, მოეწყო მწვანე თარგები და სარწყავი ქსელი, დამონტაჟდა დეკორატიული სანათები, გარე განათების ქსელი, დამონტაჟდა უსაფრთხოებისა და ვიდეოსამეთვალყურეო კამერების სისტემა.
