ფშაველი-აბანო-ომალოს 72 კმ-იანი გზის საგზაო  მოძრაობის  უსაფრთხოების  გაუმჯობესების პროექტი იწყება.  პროექტს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი განახორციელებს.

თუშეთის გზის პროექტი 8 მონაკვეთადაა დაყოფილი. ტენდერი უკვე გამოცხადდა გზის პირველი 13.5 კმ-იანი მონაკვეთის საგზაო  მოძრაობის  უსაფრთხოების  გაუმჯობესების  სამუშაოებზე. აგვისტოში ტენდერი კიდევ 14.7 კმ-იანი მონაკვეთის სამუშაოებზე გამოცხადდება. გზის 28.2 კმ-იანი მონაკვეთის სამუშაოების საერთო საორიენტაციო ღირებულება 49 მილიონი ლარი იქნება. მიმდინარე წლის ბოლომდე ტენდერი თუშეთის გზის ყველა მონაკვეთის სამუშაოებზე გამოცხადდება.

ფშაველა-ომალოს გზის საგზაო  მოძრაობის  უსაფრთხობის  გაუმჯობესების  პროექტი საავტომობილო გზების დეპარტამენტმა მოამზადა. პროექტი ითვალისწინებს   საავტომობილო   გზის   პროფილის აღდგენას, წყალგამტარი, წყალამრიდი და ხელოვნური ნაგებობების მოწყობას, მოძრაობის რეგულირების ტექნიკური საშუალებების სრულყოფილ აღდგენას, მიწის ვაკისის, შესაძლებლობის ფარგლებში, გაგანიერებას და მოძრაობის უსაფრთხოების უზრუნველსაყოფად ბოგიროვანი ზღუდარების მოწყობას.

ფშაველი-ომალოს საავტომობილო გზის პირველ მონაკვეთზე დაგეგმილია მოასფალტებული გზის კაპიტალური რეაბილიტაცია, ასფალტისა და ბეტონის საფარის მოწყობით.  დანარჩენი მონაკვეთების საფარი, რელიეფიდან გამომდინარე, გრუნტიანი დარჩება, აღდგება გზის დაზიანებული ადგილები და გაუმჯობესდება არსებული პარამეტრები.

თუშეთამდე მისასვლელი ერთადერთი გზა ფშაველი-ომალოს საავტომობილო გზაა. გზა, რომელიც თელავის მუნიციპალიტეტის სოფელ ფშაველიდან იწყება და აბანოს უღელტეხილის  გავლით   ომალოს   უკავშირდება,  გასული საუკუნის 60-70-იან წლებშია გაყვანილი. თუშეთის გზა აბანოს უღელტეხილზე გადის, რომელიც ზღვის დონიდან 2950 მეტრზე მდებარეობს. გზა არის ვიწრო და ხშირად ვითარდება მეწყრული პროცესები. რთული რელიეფისა  და  მეტეოროლოგიური პირობების გამო, გზაზე ტრანსპორტის მოძრაობა  წელიწადში დაახლოებით 4-5 თვის განმავლობაშია შესაძლებელი.

ფშაველი-აბანო-ომალოს გზის საგზაო მოძრაობის უსაფრთხოების გაუმჯობესების პროექტი ეტაპობრივად, 2025 წელს დასრულდება. პროექტის საერთო საორიენტაციო ღირებულება 100 მილიონი ლარი იქნება.

გომი – საჩხერე – ჭიათურა – ზესტაფონის საავტომობილო გზის 32.5 კმ-იანი მონაკვეთის სარეაბილიტაციო სამუშაოები 3 ლოტად ხორციელდება. სარეაბილიტაციო მონაკვეთი ჭიათურაში იწყება და ზესტაფონში სრულდება.

გზის სარეაბილიტაციო სამუშაოების გარდა, გომი-საჩხერე-ჭიათურა-ზესტაფონის გზის 16 სხვადასხვა (კმ84-კმ107)  მონაკვეთზე არსებული დამეწყრილი უბნების რეაბილიტაციაც მიმდინარეობს.

,,ამავდროულად, სახელშეკრულებო პროცედურები მიმდინარეობს კიდევ მეორე, დაახლოებით, 9 კილომეტრიან მონაკვეთზე, სადაც ასევე რეაბილიტაციის სამუშაოები განხორციელდება და გაისად დასრულდება. მიმდინარეობს სამუშაოები მეწყრული მონაკვეთების ლიკვიდაციაზე და  მთლიანობაში, შეიძლება ითქვას, რომ გომი-საჩხერე-ჭიათურის მიმართულება სრულად იქნება რეაბილიტირებული როგორც საფარის, პარამეტრების, ასევე საგზაო უსაფრთხოების ნორმების დაცვით“-აღნიშნა მინისტრმა.

ჭიათურა-ზესტაფონის მონაკვეთზე გზის საფარი მნიშვნელოვნად იყო დაზიანებული, ასევე მრავლად იყო დამეწყრილი ადგილები,  რაც  ავტოტრანსპორტის გადაადგილებას ართულებდა.

პროექტის ფარგლებში, სრულად განახლდება გზის სავალი ნაწილი, მოეწყობა ახალი წყალარინების სისტემა, გზის საყრდენი კედლები, ადგილობრივ გზებთან მიერთებები და მოსახლეობის ეზოებში შესასვლელები. საგზაო მოძრაობის უსაფრთხოების ამაღლების მიზნით მოეწყობა ახალი საგზაო ნიშნები, თვალამრიდები და განხორციელდება გზის სავალი ნაწილის ჰორიზონტალური მონიშვნა. განახლებული გზა ჭიათურასა და ზესტაფონს უმოკლესი გზით დააკავშირებს ერთმანეთთან.

პროექტები სახელმწიფო ბიუჯეტიდან ფინანსდება და მათი საერთო ღირებულება 69 მლნ. ლარია.

,,გომი-საჩხერე-ჭიათურა-ზესტაფონის გზა, აღმოსავლეთ-დასავლეთის ცენტრალურ მაგისტრალზე, რიკოთის საუღელტეხილო მონაკვეთის ერთ-ერთი ძირითადი ალტერნატივაა და მის გამართულ ექსპლუატაციას დიდი მნიშვნელობა აქვს ადგილობრივი თუ სატრანზიტო ტრანსპორტის უწყვეტი გადაადგილებისათვის. ამასთან, ეს გზა, 3 მუნიციპალიტეტს ერთმანეთთან და გზის მიმდებარე სოფლებს რაიონულ ცენტრთან უმოკლესი მანძილით აკავშირებს“-განაცხადა ირაკლი ქარსელაძემ.

მინისტრმა ასევე, ხაზი გაუსვა რუფოთი-საზანო-ალისუბანი-თუზი-ქვაციხე-კაცხის საავტომობილო გზის მნიშვნელობას და აღნიშნა, რომ ამ მიმართულებით პირველი 12 კილომეტრიანი მონაკვეთი დასრულებულია, მიმდინარეობს დარჩენილი მონაკვეთის სამუშაოები. მისი თქმით,  აღნიშნული გზა ხელს შეუწყობს თერჯოლის და ჭიათურის მუნიციპალიტეტების  ყველაზე მოკლე გზით დაკავშირებას.

რუფოთი-ალისუბანი-საზანო-თუზი-ქვაციხე-კაცხის საავტომობილო გზაზე 2 პროექტად ჯამში 19 კმ-იანი (კმ1-კმ12; კმ13-კმ19) მონაკვეთის სარეაბილიტაციო სამუშაოები მიმდინარეობს. აღნიშნული გზა თერჯოლის, ტყიბულის, ჭიათურის და ზესტაფონის მუნიციპალიტეტებისა და მათი მიმდებარე სოფლების საგზაო კავშირს წარმოადგენს.

პროექტის შესაბამისად, განხორციელდება ასფალტ-ბეტონის საფარის განახლება, ხელოვნური ნაგებობების რეაბილიტაცია, მოსახლეობის ეზოებში შესასვლელებისა და ადგილობრივ გზებთან მიერთებების მოწყობა. განხორციელდება გზის ჰორიზონტალური მონიშვნისა და საგზაო ნიშნების მოწყობის სამუშაოები. პროექტი, სახელმწიფო ბიუჯეტიდან ფინანსდება და მისი საერთო ღირებულება 16 443 900 ლარია.

აღნიშნულ გზაზე, მომავალ წელს დაგეგმილია 9.4 კმ-იანი (კმ20-კმ28) მონაკვეთის რეაბილიტაცია, რომლის საორიენტაციო ღირებულება 7 მლნ. ლარამდეა.

აღნიშნული, პროექტები საერთო ჯამში უზრუნველყოფს იმერეთის მუნიციპალიტეტების ერთმანეთთან კავშირს სრულად განახლებული, კომფორტული საგზაო ინფრატსრუქტურით და ამ მუნიციპალიტეტების დაკავშირებას ცენტრალურ საავტომობილო მაგისტრალთან. ასევე, ხელს შეუწყობს ტურიზმის სოფლის მეურნეობისა და შიდა ვაჭრობის განვითარებას.

ქობულეთში ახალი 1 კმ-მდე სიგრძის ბულვარის რეაბილიტაცია-კეთილმოწყობის სამუშაოები დასრულდა

მდ. აჭყვადან მდ. კინტრიშამდე მდებარე 1 კმ-მდე სიგრძის სანაპირო ზოლზე მოეწყო ბულვარი

ბულვარის მთელ სიგრძეზე აშენდა გამყოფი კედელი, 2.5 მეტრის სიგანის ველო ბილიკი და 4 მეტრის სიგანის საფეხმავლო ბილიკი, საფეხმავლო ბილიკის მიმდებარედ მოეწყო რეკრეაციული და კომერციული ზონები

საბავშვო-გასართობ სივრცეებში დაიდგა ატრაქციონები, სპორტულ ზონაში მოეწყო ქვიშის ფრენბურთისა და ქვიშის ფეხბურთის მოედნები

ძველ ბულვართან დასაკავშირებლად აშენდა საფეხმავლო ხიდი

პროექტი, საქართველოს პრემიერ-მინისტრის ინიციატივით პროგრამა „განახლებული რეგიონების“ ფარგლებში განხორციელდა, პროექტის ღირებულება 8,100,000 ლარია

საქართველოს პრემიერ-მინისტრის მიერ ინიცირებული პროგრამით „განახლებული რეგიონები“, სამცხე-ჯავახეთის მუნიციპალიტეტებში დაფინანსებული პროექტების სამშენებლო სამუშაოები საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ, სამცხე-ჯავახეთის მხარეში სახელმწიფო რწმუნებულ ბესიკ ამირანაშვილთან და მუნიციპალიტეტის მერებთან ერთად, მოინახულა.

“სამცხე-ჯავახეთის რეგიონში ინტენსიურად მიმდინარეობს და მალე სრულდება „განახლებული რეგიონების“ პროექტების  პირველი ფაზის სამუშაოები. ეს არის ახალი სიცოცხლე მუნიციპალიტეტებისთვის. ახალციხეში ჩატარდა მნიშვნელოვანი სამუშაოები. რეაბილიტაცია უტარდება 50-ზე მეტ შენობას, რა თქმა უნდა, მიმდებარე ინფრასტრუქტურის ჩათვლით. ეწყობა სკვერები, მათ შორის, ცენტრალური პარკი. პირველი ფაზის სამუშაოები დასრულების ეტაპზეა და ინტენსიურად გრძელდება მეორე ფაზის სამუშაოებიც. უკვე სექტემბერში შესაძლებელი იქნება სრული შედეგის ხილვა,“-  განაცხადა ირაკლი ქარსელაძემ.

ქალაქ ახალციხეში ნათენაძის ქუჩის, მიმდებარედ არსებული სკვერების და გიორგი ბრწყინვალეს მოედნის რეაბილიტაციის სამუშაოები დასრულების ეტაპზეა. საერთო ჯამში, განახლდება ქალაქის ცენტრალურ ნაწილში მდებარე შენობები და რეაბილიტირდება 6 სკვერი. ჩატარებული სამუშაოები მოიცავს შენობების კარ-ფანჯარების ახალი იზოპროფილის ვიტრაჟებით შეცვლას, ენერგოეფექტურობის კომპონენტის თბოიზოლაციით გაძლიერებას, მიმდებარე საფეხმავლო ზოლის მოწესრიგებას, სკვერების გამწვანებას, სარწყავი სისტემის მოწყობას, ბავშვთა გასართობი ატრაქციონების მონტაჟს და სხვა.

ადიგენში დასრულების ეტაპზეა, პროგრამის „განახლებული რეგიონები“ ფარგლებში, ქალაქის ცენტრალური უბნის ურბანული განახლების სამუშაოები. თამარ მეფის ქუჩაზე, საერთო ჯამში, რეაბილიტირდება 5 შენობა და მიმდებარე სკვერები. შენობების განახლებასთან ერთად, წესრიგდება მიმდებარე საფეხმავლო ზოლიც.

დაბა ასპინძაში, პროგრამის „განახლებული რეგიონები“ ფარგლებში, დასრულდა ასპინძის ომის მემორიალის მიმდებარე ინფრასტრუქტურის და სამკუთხა სკვერის რეაბილიტაცია. პროექტი, პროგრამიდან გრანტის სახით მიღებული დაფინანსებით, უშუალოდ მუნიციპალიტეტმა განახორციელა.

მინისტრმა ახალციხეში, რუსთაველის ქუჩაზე მდებარე, 180 ბავშვზე გათვლილი ახალი საბავშვო ბაღის დასრულებული შენობაც დაათვალიერა. ახალი, თანამედროვე სტანდარტის საბავშვო ბაღი ევროპის საინვესტიციო ბანკის 2,6 მილიონ ლარზე მეტის ფინანსური მხარდაჭერით, მუნიციპალური განვითარების ფონდის მიერ აშენდა. ახალ ბაღში ბავშვთა დასასვენებელი, გასართობი, სასადილო და სხვა დანიშნულების ოთახების გარდა, მოეწყო გარე სივრცეებიც. მოცემულ ეტაპზე, დაწყებულია საბავშვო ბაღის საჭირო ინვენტარით აღჭურვის პროცესი.

დაბა ასპინძაში, ინფრასტრუქტურის სამინისტროს მუნიციპალური განვითარების ფონდი, სახელმწიფო ბიუჯეტის 3.4 მილიონ ლარზე მეტის დაფინანსებით, 600 მოსწავლეზე გათვლილი საჯარო სკოლის სრულ სარეაბილიტაციიო სამუშაოებსაც აწარმოებს. სკოლა, რომელშიც მოსწავლეებს რთულ პირობებში უწევდათ განათლების მიღება, ყველა სტანდარტისა და რეგულაციის შესაბამისად რეაბილიტირდება. ეწყობა წყალმომარაგების, კანალიზაციის, სახანძრო, გათბობის, ელექტრო მომარაგების და ვენტილაციის სისტემები, საკლასო ოთახები, სპორტული მოედნები და ეზოს ტერიტორია. სკოლის შენობა სრულად ადაპტირდება სპეციალური საჭიროებების მქონე მოსწავლეთათვის. სარეაბილიტაციო სამუშაოები მიმდინარე წელს დასრულდება.

ვ