წყალმომარაგების კომპანია დაბა ხარაგაულის 24-საათიანი წყალმომარაგებით უზრუნველსაყოფად ინფრასტრუქტურულ სამუშაოებს აქტიურად აგრძელებს.

აღნიშნული პროექტის ფარგლებში, აშენდება სამი ახალი ჭაბურღილი, სათავე ნაგებობა და სატუმბო სადგური. რეაბილიტაცია ჩაუტარდება წყლის სათავე ნაგებობას. გარდა ამისა, მოეწყობა წყალმომარაგების სრულიად ახალი ქსელები, მაგისტრალები და რეზერვუარი. სამუშაოების ფარგლებში, დაგეგმილია კორპუსების შიდა გაყვანილობების მოწყობა და მოსახლეობის ინდივიდუალური გამრიცხველიანება.

ხარაგაულში მოძველებული ინფრასტრუქტურის გამო მოსახლეობას წყალი დღეში 5 საათის განმავლობაში მიეწოდება. სამუშაოების შედეგად კი, დაბა ხარაგაულში მცხოვრები 4 000-მდე ადამიანი 24-საათიანი წყალმომარაგებით იქნება უზრუნველყოფილი.

პროექტს სახელმწიფო ბიუჯეტიდან 4 მლნ ლარამდე მოხმარდება და მისი დასრულება მიმდინარე წლის ზაფხულშია დაგეგმილი.

Previous articleქარელის მუნიციპალიტეტში კომბინირებული საკვების საწარმო გაიხსნა
Next articleახალსოფელი-შუა ხორგის დამაკავშირებელი 5.5-კილომეტრიანი გზის რეაბილიტაციის მეორე ეტაპი მიმდინარეობს