ტყიბულის წყლის გამწმენდი ნაგებობის პროექტირება-მშენებლობა იწყება.
ქალაქში არსებული წყლის გამწმენდი ნაგებობა გასული საუკუნის 70-იან წლებში აშენდა.
პროექტის ფარგლებში თანამედროვე სტანდარტების შესაბამისი ახალი წყლის გამწმენდი ნაგებობა აშენდება. პროექტის დასრულების შემდეგ 10 000-მდე ადგილობრივს გაუუმჯობესდება წყლის მიწოდება და ხარისხი.
სამუშაოების დასრულება დაგეგმილია 2020 წლის ბოლოს. პროექტს ინფრასტრუქტურის სამინისტროს გაერთიანებული წყალმომარაგების კომპანია ახორციელებს.