საქართველოს პრემიერ-მინისტრმა ირაკლი ღარიბაშვილმა გურჯაანში, ნონეშვილის ქუჩის სარეაბილიტაციო პროცესი დაათვალიერა.

მთავრობის მეთაურს განხორციელებული და დაგეგმილი სამუშაოების შესახებ ინფორმაცია რეგიონული განვითარებისა და ინფრასტრუქტურის მინისტრმა ირაკლი ქარსელაძემ მიაწოდა და აღნიშნა, რომ გურჯაანში, ნონეშვილის ქუჩაზე მდებარე 21 შენობისა და ე.წ. „პაპას ბაღის“ და „ბებოს ბაღის“ რეაბილიტაცია დასრულების ეტაპზეა, პროექტის ღირებულებამ კი 5.5 მილიონი ლარი შეადგინა.

პროგრამით დაფინანსებული პროექტების ფარგლებში, ჩატარდა შენობების ენერგოეფექტურობის კომპონენტის გაძლიერების სამუშაოები, გამოიცვალა შენობების კარ-ფანჯრები, რაც დადებითად აისახება შენობების გათბობის ხარჯებზე. ასევე ჩატარდა ქუჩების ტროტუარების, განათების, რეკრეაციული სივრცეების მოწყობის სამუშაოები.

პროგრამის პირველი ეტაპის სამუშაოები კახეთის რვავე მუნიციპალიტეტში დასრულების ეტაპზეა.
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, პრემიერ-მინისტრის ინიციატივით დაწყებული პროგრამის „განახლებული რეგიონები“ ფარგლებში მიმდინარე ინფრასტრუქტურულ პროექტებს ქვეყნის 63 მუნიციპალიტეტში ახორციელებს. პროგრამის მხოლოდ პირველი ეტაპის საორიენტაციო ღირებულება 500 მილიონ ლარს შეადგენს.

პრემიერ-მინისტრთან ერთად ადგილზე აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.May be an image of 2 people, people standing and outdoorsMay be an image of 6 people, people standing and outdoorsშეიძლება იყოს 6 ადამიანი, მდგომარე ადამიანები და შენობის გარეთ-(ი)ს გამოსახულებაშეიძლება იყოს 1 ადამიანი და ბავშვი-(ი)ს გამოსახულებაMay be an image of 7 people, people standing and outdoorsMay be an image of 1 person and outdoorsMay be an image of 6 people, sky and tree

LEAVE A REPLY

Please enter your comment!
Please enter your name here