საქართველოს იუსტიციის სამინისტროს საჯარო რეესტრის ეროვნულმა სააგენტომ მრავალფუნქციური ინტერაქტიული რუკების ვებგვერდი Maps.gov.ge შექმნა
 
ციფრული პლატფორმის პრეზენტაცია საჯარო რეესტრის ეროვნულ სააგენტოში გაიმართა.
 
ღონისძიებას იუსტიციის მინისტრი რატი ბრეგაძე, მისი მოადგილეები, საჯარო რეესტრის ეროვნული სააგენტოს თავმჯდომარე და ვებგვერდზე მომუშავე სხვადასხვა დეპარტამენტის თანამშრომლები ესწრებოდნენ.
 
მრავალფუნქციური ვებგვერდის საშუალებით მოქალაქეებს შესაძლებლობა აქვთ პირადი ნომრით, უძრავი ქონების საკადასტრო კოდით ან უძრავი ქონების მისამართით მოიძიონ მათთვის სასურველი ინფორმაცია. ვებგვერდზე ასევე შესაძლებელია სივრცის გაზიარება, რუკებზე ადგილმდებარეობის განსაზღვრა, ობიექტებს შორის მანძილის და ფართობის გაზომვა და რუკის მართვის სხვა ინსტრუმენტების გამოყენება.
 
თემატურად დაყოფილი ინტერაქტიული რუკების საშუალებით მოქალაქეები მარტივად შეძლებენ გეოგრაფიული მონაცემები, განახლებული ორთოფოტოგეგმები და მრავალფეროვანი ტოპოგრაფიული მონაცემები იპოვონ.
 
ვებგვერდი ორენოვანია და სრულად თავსებადია მობილურ მოწყობილობებთან, პლანშეტებთან და სხვა ოპერაციულ სისტემებთან.
 
ღონისძიების დასასრულს, საჯარო რეესტრის ეროვნული სააგენტოს თავმჯდომარემ დამსწრე საზოგადოებას სიტყვით მიმართა და პროექტზე მომუშავე თანამშრომლებს გაწეული შრომისთვის მადლობა გადაუხადა.შეიძლება იყოს 7 ადამიანი, მდგომარე ადამიანები და შენობაში-(ი)ს გამოსახულებაშეიძლება იყოს 5 ადამიანი, ადამიანები სხედან და შენობაში-(ი)ს გამოსახულებაშეიძლება იყოს 9 ადამიანი, ადამიანები სხედან, მდგომარე ადამიანები და შენობაში-(ი)ს გამოსახულება

LEAVE A REPLY

Please enter your comment!
Please enter your name here