ხაშურის მუნიციპალიტეტის სოფელ ქინძათში ახალი საჯარო სკოლა შენდება. პროექტი მუნიციპალური განვითარების ფონდის ფინანსური მხარდაჭერით ხორციელდება, რაზეც 2 მილიონზე მეტი ლარია გათვალისწინებული.
ამ ეტაპზე მიმდინარეობს შენობის საძირკველის მოწყობა, ჯამში, 6 250 კვადრატულ მეტრზე. პროექტის ფარგლებში, აშენდება თანამედროვე ტიპის სკოლა და სპორტული მოედანი. მშენებლობა 2022 წლისთვის დასრულდება.
ქინძათის საჯარო სკოლაში 100-მდე მოსწავლე სწავლობს და 22 პედაგოგია დასაქმებული. ახალი სკოლა სამ სოფლელს მოემსახურება.
